Je dimanĉo 3a de aŭgusto 2003 11a horo ok klubanoj renkontiĝis en Beilngries(Altmuehlvalo).
Ni komune rigardis la ĉefpreĝejon de sta. Walburga kun ĝia okulfrapa flava-verda glasurita turoparo. La termometro montris 35 celsiusajn gradojn. Sekve ni decidis komunan glaciaĵmanĝaĵon. Poste ni daŭrigis al la ŝipekveturejo de Beilngries.
Post unuhora ŝipado sur la majno-danubo-kanalo(ankaŭ nomata Eŭropo-kanalo) ni alvenis en Berching nia celo. Survoje kluzo levis nian ŝipon je 17 metroj supren.
Komune ni promenis tra la urbo al la (ege rekomendinda kaj vizitinda) historia gastejo Stampfermühle por komune tagmanĝi tie.
Surprize adiaŭis nin, al ni tute ne konata alia gasto per bone parolita —- ĝis reaŭdo —. Sed li ne prezentis sin sed rapide malaperis.
Poste parto de la grupo vizitis la lokan muzeon.
Je 16.15 a horo la ŝipo reprenis nin al Beilngries kie ni adiaŭis per komuna babilado en stratkafejo.
Vidu kelkajn fotoimpresojn.
